అంబుబాచి ఉత్సవం సందర్భంగా, భక్తులు సంతానోత్పత్తి, సృజనాత్మక శక్తికి దివ్య మాతయైన మా కామాఖ్యపై హృదయపూర్వక భక్తిలో లీనమవుతారు.
విశ్వానికి జన్మనిచ్చిన గర్భం ఆ తల్లిదే. ఆ తల్లే పరమ దివ్య మాత మా కామాఖ్య.
అంబుబాచి ఉత్సవం లేదా మేళా, స్థానికంగా అమేటి లేదా అమోతి అని పిలువబడుతుంది, ఇది జూన్-జులై మాసాలలో బ్రహ్మపుత్ర నదీ జలాలు ఎర్రబారినప్పుడు జరుపుకుంటారు. ఈ ఏడాది ఇది జూన్ 22 నుండి జూన్ 26, 2024 వరకు జరుపుకుంటారు.
గువాహాటి, అస్సాం, భారతదేశంలోని “మా కామాఖ్య ఆలయం”లో జరిగే అంబుబాచి ఉత్సవం, సృజనాత్మక శక్తి, సంతానోత్పత్తికి దివ్య మాతయైన, తాను ఎంచుకున్నవారిపై కోరికలను దయతో అనుగ్రహించే దివ్య మాత మా కామాఖ్య వార్షిక రజస్వలను కొనియాడుతుంది. యాభై రెండు “శక్తి పీఠాల”లో అత్యంత పూజనీయమైన “శక్తి పీఠాల”లో “మా కామాఖ్య ఆలయం” ఒకటి. దివ్య మాత యొక్క మహా విశ్వ జ్ఞాన స్వరూపాలైన మా దశ మహావిద్యల పూజకు కూడా “మా కామాఖ్య ఆలయం” ప్రసిద్ధి చెందింది.
ఈ సమయంలో ఆలయం సందర్శకులకు మూసివేయబడినప్పటికీ, ప్రతి సంవత్సరం, అంబుబాచి మేళా ప్రపంచవ్యాప్తంగా ఉన్న భక్తులను తీసుకువస్తుంది, వారు ప్రాచీన ఆచారాలు, విధులలో పాల్గొంటారు. వేలాది సంఖ్యలో ఉత్సవానికి చేరుకుని దివ్య మాత మా కామాఖ్యపై తమ భక్తిని పాడుతూ, జపిస్తూ, ఎలుగెత్తి చాటే తాంత్రిక కులాలకు అంబుబాచి మేళా ఒక ముఖ్యమైన పండుగ.